Bilder
Zurück

Scheeni Erinnerigä usem 2005                

Das isch iiserä allererschti Üftritt gsi am 16. Septämber 2005 im Schlissusaal adr "Ürner-VSV-Schtubätä". Äs isch richtig ä scheenä und gmiätlichä Abig gsi womer zerschtmal under vilnä Ländlermüsigkänner ghockät sind und chli hend chennä mitredä :-) Mer hend det vili niiwi Liit kännäglernt wommer zum Teil hit scho us richtig guäti "Kollegä" bezeichnä chennt.

Das isch dr scheeni Samschtigmorget im "Imholz-Sport" z'Birglä gsi. Dr Bebu het iis am Abig drfor igladä zuänem üfä gu z schpilä und wills nä for lütter Müüsig grad säuber widr packt het, hedr sini Handorgälä ai grad widr firäpäcklät!

Das isch ai im Schportgschäft z'Birglä gsi. Diä dahiä isch z'Hosä-Schosi und isch ä gheerigi heimatlichi. Womer sie gfragt hend sit wenn sie Prissagä raiki hetsi nur gmeint: Ja, da hani nu chüüm chennä Redä"! :-) Sie isch eifach immer miderä Chrummä underwägs und isch äs Orginal as we dr Bebu!

Das isch dr Üftritt am Wuchämärcht z'Altdorf gsi. Iisers Repertoir het nu nid grad weiss nid was firtigä Ufang gha aber mer hend scheen zwee Schtund ufem Lehn z Altdorf gschpilt. Vili interessiärti Lit sind schtah blibä und hend iis zuäglost.

Das isch am Geburtstag vum Marty Franz gsi. Mer hend da biz Karlettis däheimä gschpilt. Und will a dem Tag grad z Uwätter gsi isch het dr Fuxacher sogar uf d'Aitobahn üfä messä...und dr Bürgi Peter isch uf Beggäriäd gu cheerä und hetnä igladä, das de der Üftritt ja nid iz "Wasser" ghid:-) Und wemä uf dem Bild gsed het alles klappet! Zogä!

Das isch dr Hermaniger. Är het erscht im 2005 zerschtmal ä Handorgälä idr Hand gha und schpilt schop tip top! Wenn är umä isch isch immer Heimat und Oberschti gsezt! Zoogä!

Das isch dr Ziuiger. Är het sich im Echo vom Poschtsack chli zum Alleskönner entwicklät. Är isch eifach ä guätä Tüp!!! Zoogä Müüsig! Jüpidibü!

Dr Weibäli-Karletti isch eifach oberschti Heimat. Är het siis Klaviär im Griff as we dr Bebu sini Handorgälä. Är isch immer eppä im Bärä und macht gheerig Jüpidibüü und das isch ä gseztä!! Zoogä!!

Das isch dr Fuxacher uf dem Bild grad im Adler z Birglä. Är schpilt ai erscht sit dem Jaahr Bass. Är isch ai immer mit dä Poschtseecklr im Bärä bi dr Märi und bim Urs und de machet mer amä gheerig Heimat. Natirli hemmer ai scho im Bärä gschpilt und adr Fasnacht de widr!!!!! Zogä!

 

 




Datenschutzerklärung
Gratis Homepage von Beepworld
 
Verantwortlich für den Inhalt dieser Seite ist ausschließlich der
Autor dieser Homepage, kontaktierbar über dieses Formular!